【饮咗会靓嘅咖啡】静冈抹茶班戟 好叹好悠MYOC

卡通拉花拉到出神入化的Cafe R&C开分店, 正正就在总店旁边, 主打鹹, 甜班戟及84款咖啡, 上个月太忙, 今晚终于有时间「踩场」.

MYOC面积只有R&C一半, 但风格一样日本式洋风设计. 如此悠闲的环境, 其实不适合带阿囝一齐,因为活跃的他发现张凳可以转高转低, 今晚就不停自转X10~激死!

靓仔到不得了的Jeff问:「你啡唔啡㗎? (我摇头), 我自己锺意小麦啤沟DoubleEspresso, 咁你不如饮芒果伏特加咖啡啦」

Jeff好犀利, 美国心理学毕业, 他简直是希云街男神:「MYOC係米好多女仔帮衬㗎? (係呀!好多女仔嚟饮咖啡)」(梗係啦! 我係女仔都日日嚟饮你沖嘅咖啡啦)

伏特加撞Espresso, 再加白朱古力, 还有芒果香, 出来效果好「搅鬼」, 十足十有一堆Minions冲入你喉咙, 再喷射出生果朱古力. 好兴奋好High.

我问Jeff:「你哋个Menu有84款咖啡, 仲会继续㗎?」Jeff微笑答:「应该谂到100款之后会停一停, (哗!你谂咗几耐呀?), 3个月左右啦, 我好锺意咖啡麻」

第一次试鹹食班戟, 肥牛半熟太阳蛋, 刺穿蛋黄再沾上班戟及肥牛, 好食就是好食, 但还是接受不到班戟是鹹的配搭喔!

其实, 我怕被人笑大乡里, 我好想快快KO了肥牛, 及太阳蛋, 之后问Jeff取蜜糖, 才吃剩下的班戟…(无办法啦…几廿岁嘅阿叔, 就係咁老套)

不过, 后来老闆娘Rosita对我说:「我哋有新出绿茶班戟配红豆雪糕喎, 係甜㗎, 每日限量4份」(唔驶讲, 就嚟一份啦…唔该)

刚刚从日本回来的Rosita:「我哋係静冈带咗一啲好正嘅抺茶粉返嚟, 好回甘, 好正㗎, (雪糕点解一定係红豆嘅?), 因为好夹, 又唔太甜啰」

这份班戟灵魂在于碟旁的抺茶忌廉, 班戟沾满抺茶忌廉, 放入口之后, 嘴角会好食到自自然然变成微笑向上…

我忽然想起, 如果这份班戟加入厥饼的话,应该会满足过当日走到TheONE食中村藤吉喎.

好彩今晚我们早来, 可以有差不多45分钟「包场」, 因为一到8点, 全场爆满, 外面还有人等位添.

临走前, 我又带囝去跟老闆集邮,阿太:「乜佢係上年同一个人咩?头先我以为佢係张家辉添」囝:「係啰!! 我都唔认得」(唔係吖…一年啫, 你哋两个都无乜变)

全力推介:绿茶班戟配红豆雪糕. (嚟E度唔饮咖啡都要试!!)

MYOC

9683 6583

铜锣湾希云街12号地下

大仁生活facebook